MS: 'Willie's Awa' or 'Lament For The Absence Of William Creech, Publisher'

Next Previous

MS: 'Willie's Awa' or 'Lament For The Absence Of William Creech, Publisher'

Mackenzie, Stuart, such a brace
As Rome ne'er saw;
They a' maun meet some ither place,
Willie's awa. ----

Poor Burns ---- even Scotch Drink canna quicken,
He cheeps like some bewilder'd chicken,
Scar'd frae its minnie and the cleckin
By hoodie-craw:
Grief's gien his heart an unco kickin,
Willie's awa. --

Now ev'ry sour-mou'd, girnin blellum,
And Calvin's folk, are fit to fell him;
Ilk self-conceited, critic skellum
His quill may draw;
He wha could brawlie ward their bellum
Willie's awa. ----

Up wimpling, stately Tweed I've sped,
And Eden scenes on crystal Jed,
And Ettrick banks, now roaring red
While tempests blaw;
But every joy and pleasure's fled,
Willie's awa. ----

Back to top