MS: 'The Heron Ballads' by Robert Burns

1 of 2

Next image
Next

MS: 'The Heron Ballads' by Robert Burns

1
Wham will we send to London town,
To Parliament, & a' that,
Wha maist in a' the country round,
For worth & sense may fa' that. ----
For a' that & a' that,
Thro' Galloway & a' that,
Whilk is the Laird, or belted Knight,
That best deserves to fa' that.

2
Wha sees Kirouchtree's open yett,
And wha is 't never saw that,
Or wha e'er wi' Kirouchtree met
That has a doubt of a' that
For a' that & a' that,
Here's Heron yet for a' that;
The independant Patriot,
The Honest Man & a' that. ----

3
For Tho' wit & worth, in either sex,
Saint Mary's Isle can shaw that;
Wi' Lords & Dukes let Selkirk mix,
For weel does Selkirk fa' that. ----
For a' that & a' that,
Here's Heron yet for a' that;
An independant Commoner
Maun bear the gree & a' that. ----

Back to top