MS: 'The Posie'

1 of 1

MS: 'The Posie'

1.
O Luve will venture in, where it daur na weel be seen;
O Luve will venture in, where Wisdom ance has been:
But I will down yon river rove, amang the woods sae green,
And a' to pu' a posie to my ain dear May. ----
But I will down yon river rove, amang the woods sae green,
And a' to pu' a posie to my ain dear May. ----

2.
The primrose I will pu', the firstling o' the year;
And I will pu' the pink, the emblem o' my Dear;
For she is the pink o' womankind, & blumes without a peer;
And a' to be a posie to my ain dear May. --
For she & c

3.
I'll pu' the morning rose, when Phebus peeps in view,
I will pu' the rose, where its budding in the dew,
For it's like a baumy kiss o' her sweet, bonie mou;
The hyacinth is constacy, wi' it's unchanging blue,
And a' to be a posie to my ain dear May. ----
The hyacinth & c.

4.
The lily it is pure, & the lily it is fair,
And on her her lovely bosom I'll place the lily there;
The daisy's for simplicity & unaffected air,
And a' to be a posie to my ain dear May: --
The daisy's & c.

5.
The hawthorn I will pu' wi' its locks o' siller grey;
Where like an aged man it stands at break o' day;
But the sangster's nest within the bush I winna tak away,
And a' to be a posie to my ain dear May. --
But the sangster's nest & c.

6.
The woodbine I will pu', when the e'enin star is near,
And the diamond draps o' dew shall be her een sae clear;
The violet's for modesty, which weel she fa's to wear,
And a' to be a posie to my ain dear May. --
The violet & c.

7.
I'll bend tie the posie round wi' the silken tie band o' luve,
And I'll place it in her breast, & I'll swear by a' abuve,
That, to my latest draught o' life the tie band shall ne'er remuve,
And that will be a posie to my ain dear May. --
T

Back to top